Refahæðir nálgast

Nú er innan við vika þangað til Hvundagshetjan fer í sína árlegu golfferð.  Að þessu sinni er ferðinni heitið til Englans, nánartiltekið Foxhills sem er í 20 mín fjarlægð frá Heathrow.  Með í för verða 9 vinnufélagar úr Landsbankanum.

Því miður hefur veðurfarið á Íslandi truflað undirbúninginn því ekki hefur verið hægt að spila golf fyrir ferðina.  Þess vegna er maður óviss með hvar maður stendur því það er tvennt ólík að slá af jafnsléttri mottu í Básum og spila á alvöru velli.

Hinsvegar er ljóst að þetta verður frábær ferð í skemmtilegum félagskapi, búið er að setja upp keppnir nánast alla daganna og ber þar hæst Ungir vs. Gamlir á sunnudaginn.  Andrúmslofið er orðið rafmagnað og næsta víst að við gamlingjarnir (segðu orðinn 33 ára) ætlum að taka þetta.

Athugasemdir

[maggie, 21.4.2007 kl. 17:54]

Mér líst vel á þetta hjá þér Tryggvi. Þú ert náttúrulega með betri áhugamönnum í þessari íþrótt á íslandi. Það hefur aldrei verið spurning um það í mínum huga að ef þú hefðir helgað þig æfingunum enn meira hefðir þú getað orðið með betri atvinnukylfingum í heiminum. En hver og einn verður náttúrulega bara að velja sína hillu í lífinu.