Umræðustjórnmál

Þetta  getur varla verið í anda flokks sem kennir sig við umræðustjórnmál.  Ég trúi því og treysti að Dagur B. Eggertsson  helsti boðberi umræðustjórnmála hafi staðið upp og mótmælt þessari málsmeðferð. 

Og fyrir utan að þá greiða bara 131 atkvæði, í fréttum var sagt að á annað þúsund manns væru á landsfundinum?

Hart deilt um meðferð tillögu um eftirlaunafrumvarp

Breyttir tímar

Ég man þá tíð þegar það þótti fréttnæmt ef einkaþota lenti á Reykjavíkurflugvelli.  Það var umferðaröngþveiti því allir vildu skoða gripinn.  Ætli þetta verði ekki orðið almenningseign eftir nokkur ár.

Margar einkaþotur á Reykjavíkurflugvelli

Landsfundur Samfylkingarinar

Mikið var gaman að hlutsta á Ingibjörgu Sólrúnu  og co. um helgina.  "Samfylkingin á að vera kjölfesta í ríkisstjórninni", "Samfylkingin hefur aldrei staðið á traustari fótum" með 20% fylgi og stefnir niður á við kallast þetta sjálfsblekking, ofmat eða bara heimska.

Þegar kaupmáttur hefur aukist um 60% á rúmum áratug er enginn ástæða til þess að kvarta.  Þegar aðaláhyggjur fólks er hætt að snúast um atvinnu og velferð og farið að snúast um svifryk og verndun landssvæða sem meginþorri landsmanna hafa aldrei séð eða heyrt um, eru raunveruleg vandamál ekki til.

Samfylkingin telur til lítið brot þjóðarinnar sem hefur það skítt í samanburði við aðra og á það að vera merki um að ríkisstjórnin hafi brugðist.  99% þjóðarinar finnur það hinsvegar að hagur sinn hefur batnað og sér að þessi málflutningur er marklaus.

Á endanum er eitt mál sem mér sýnist Samfylkingin ætli að leggja megináhersla á í kosningunum í vor og það er að afnema eftirlaunalögin. 

Hugmynd fyrir VG

Þetta er náttúrulega bara snilld.  Af hverju á fólk að fara í margar sólarlandaferðir, er ekki ein nóg?  Fyrir utan að húðkrabbameinstilfellum mun fækka verulega þannig að þetta er sparnaður fyrir heilbrigðiskerfið.  Ef ég væri Ömmi efnahagsundur þá myndi ég taka þetta upp og stofna embætti Sólarlandaleyfisskrifstofu sem sæi um að halda utanum fararleyfin.  Jafnvel væri hægt að staðsetja hana úti á landi og þannig stuðla að náttúruvænni atvinnuuppbyggingu á landsbyggðinni.

Vísir, 12. apr. 2007 10:30

Vill fækka sólarlandaferðum

Leiðtogi norska Vinstri flokksins vill að Norðmenn fækki sólarlandaferðum sínum niður í mest eina á ári, til þess að draga úr gróðurhúsaáhrifum. Landsfundur flokksins hefst í Bergen á morgun og Lars Sponheim segir að þar verði umhverfismálin efst á dagskrá. Hann húðskammar ríkisstjórnina fyrir slælega frammistöðu og segir að almenningur verði að færa fórnir.

Sponheim segir að almenningur verði að breyta ferðamáta sínum með því að nota meira almenningsvagna og aka vistvænum bílum. Auk þess verði að fækka sólarlandaferðum niður í eina á ári. Leiðtoganum finnst þetta ekki vera neitt stórmál fyrir almenning.

Sólarsamba

Var það ekki þessi sem söng Sólarsamba með Magga Kjartans (er þá pabbi hennar)?

Býður sig fram í framkvæmdastjórn Samfylkingar

VG og fjármagnstekjuskattur

Þeir virðast seint læra það vinstri menn að hærri skattar þýða ekki hærri skatttekjur.  Háir skattar letja framtaksama einstaklinga, leiða til allskyns bókhaldsbrellna og undanskota allt til þess að greiða sem lægsta skatta.  Á síðustu árum höfum við séð skýrt dæmi um  þetta í fjármagnstekjuskatti en þrátt fyrir að hann hafi verið lækkaður í tíð núverandi ríkisstjórnar hafa skatttekjur af honum margfaldast.  

Nú vilja snillingarnir í VG með Ömma efnahagsundur (þessi sem vildi jafna lífskjör á Íslandi með því að hrekja bankana úr landi) tilkynnt áætlun um að útrýma fátækt á Íslandi.  Og hver skyldi vera töfralausnin til þess?

Jú hækka fjármagnstekjuskattinn úr 10% í 14%,  en auðvitað ekki hjá öllum, setja á upp 120þ sem myndi undanskilja alla smásparendur í landinu en þeir sem VG kalla "hákarlar" greiða meira til samfélagsins. 

Síðustu misseri hefur það gerst að fjármagnseigendur hafa verið að flytja eignarhaldsfélög sín til Hollands til þess að sleppa við fjármagnstekjuskatt.  Ríkið hefur þannig orðið af talsverðum tekjum,  væri ekki nær að lækka frekar skattinn og auka þannig tekjurnar heldur en að hrekja allt fjármagn úr landinu? 

Þetta er ekki rétta leiðin til þess að "útrýma fátækt".  Ætli Ömma hafi nokkuð dottið í hug að flytja alla fátæka úr landi og þannig útrýma fátækt.  Ég væri a.m.k. alveg til í að flytja Ömma úr landi.

Valkvíði Samfylkingarinar

Hef fylgst með Kosningasjónvarpinu síðustu daga og komist að því að það virðist ekki vera eitt einasta ágreiningsmál í íslensku samfélagi sem þau hafa skýra stefnu í.  Samfylkingin vill eins og allir flokkar eyða peningum í að bæta hag allra, veita öllum jafnan aðgang að menntun og heilbrigðisþjónustu, hverjir eru svosem á móti því.

Hver er stefna Samfylkingarinar í utanríkismálum, jú Samfylkingin vill stefna að umsókn um aðild að EB.  En fyrst áður en það verður sótt um vilja þau skilgreina samningsmarkmiðin, eiga samráð við hagsmunaaðila.  Þetta er ekkert sérlega skýrt? Er þetta já eða nei við aðild að EB.

En umhverfismál, Samfylkingin vill stopp á stóriðjur næstu 5 árin en þeir eru ekki á móti stóriðju sem tekur með af fyrirframmótaðri heildarstefnu sem tekur tillit til allra bla bla bla.  Er þetta já eða nei við stóriðju?

Eitt má Ingibjörg þó eiga að henni hefur tekist að koma fylgi flokksins undir fylgi VG, flokki sem vill gera Ísland að Norður Kóreu Evrópu.  Það er afrek.

Gleðilega páska

Þá er loksins kominn páskadagur.  Birta Karen var gríðarlega spennt í morgun þegar hún fór að leita að páskaeggjunum.  Kannski er það merki um góðærið að á heimilinu eru 4 páskaegg og vitað er af einu á leiðinni.  Er ástæða til þess að kjósa yfir sig nýja ríkisstjórn þegar ástandið er svona. 

Annars var merkileg skoðannakönnun í Morgunblaðinu í morgun, kortersgamall stjórnmálamaður, Ómar Ragnarsson er þriðji vinsælasta stjórnmálamaður landsins.  Samt mælist hans flokkur með aðeins með rúmlega 5% fylgi.  Getur ekki verið að þar spili inní að Ómar hefur verið vinsæll fréttamaður og með einharða afstöðu í umhverfismálum.  Nema að Jakob Frímann sé að draga fylgi Íslandshreyfingarinar niður.

Maður er nú farinn að vorkenna Ingibjörgu Sólrúnu og ekki hef ég verið mikill aðdáandi hennar. Það virðist sem ekkert falli með henni þessa dagana.  Raunsæisstefna Sjálfstæðismanna að koma í veg fyrir stóran jafnaðarmannaflokk með því að hamra á Samfylkinginni og hrósa VG virðist ganga fullkomnlega upp.  Síðan virðist samfylkingin alltaf skora sjálfsmark þegar þeir fá boltann.

Verð að ljúka þessari færslu með smá golfbloggi.  Sýnist Tiger ætla að taka Masters keppnina. Fyrir síðasta daginn er hann einu höggi á eftir Appleby og þeir tveir saman í síðasta ráshópi.   Minn maður Mickelson er síðan 3 höggum á eftir Tiger.  Spá mín er sú að Appleby fari á taugum þegar Tiger mætir í rauða bolnum.  Samt yrði ljúft að sjá Lefty klæðast græna jakkanum.

Básar

Fór í Bása áðan og sló 50 bolta.  Ég hef aldrei skilið þá sem nenna að lemja 100-200 bolta.  Kannski er það ástæðan fyrir því að maður er ekki betri en maður er, fyrir utan vitlausa stöðu, yfirsveiflu, veikt grip og lélegt líkamlegt form.

Ég var hinsvegar nokkuð sáttur við sveifluna, ég verð orðinn góður þann 27 apríl þegar ég fer til UK að spila með vinnufélögunum.

 Annars á matarboðið hjá Magnúsi og Þórey huga minn allan en þau eru búinn að bjóða okkur fjölskyldunni til sín á föstudaginn langa.  Þau hjónin eru höfðingjar heim að sækja og Magnús er listakokkur sem á skilið að fá þrjár stjörnur frá dekkjaframleiðandanum.

Byrjaður að blogga

Víst að hann Maggi er byrjaður að blogga að þá get ég ekki verið minni maður.

Veit nú ekki hversu mikið ég nenni að henda inn færslum en það má reyna.