VG og fjármagnstekjuskattur

Þeir virðast seint læra það vinstri menn að hærri skattar þýða ekki hærri skatttekjur.  Háir skattar letja framtaksama einstaklinga, leiða til allskyns bókhaldsbrellna og undanskota allt til þess að greiða sem lægsta skatta.  Á síðustu árum höfum við séð skýrt dæmi um  þetta í fjármagnstekjuskatti en þrátt fyrir að hann hafi verið lækkaður í tíð núverandi ríkisstjórnar hafa skatttekjur af honum margfaldast.  

Nú vilja snillingarnir í VG með Ömma efnahagsundur (þessi sem vildi jafna lífskjör á Íslandi með því að hrekja bankana úr landi) tilkynnt áætlun um að útrýma fátækt á Íslandi.  Og hver skyldi vera töfralausnin til þess?

Jú hækka fjármagnstekjuskattinn úr 10% í 14%,  en auðvitað ekki hjá öllum, setja á upp 120þ sem myndi undanskilja alla smásparendur í landinu en þeir sem VG kalla "hákarlar" greiða meira til samfélagsins. 

Síðustu misseri hefur það gerst að fjármagnseigendur hafa verið að flytja eignarhaldsfélög sín til Hollands til þess að sleppa við fjármagnstekjuskatt.  Ríkið hefur þannig orðið af talsverðum tekjum,  væri ekki nær að lækka frekar skattinn og auka þannig tekjurnar heldur en að hrekja allt fjármagn úr landinu? 

Þetta er ekki rétta leiðin til þess að "útrýma fátækt".  Ætli Ömma hafi nokkuð dottið í hug að flytja alla fátæka úr landi og þannig útrýma fátækt.  Ég væri a.m.k. alveg til í að flytja Ömma úr landi.

Athugasemdir

[maggie, 12.4.2007 kl. 09:01]

Heyr, heyr! Þetta er náttúrulega bara snargalið fólk í VG. Sérstaklega hvað varðar efnahagsmál og jöfnuð borgarana. Þetta fólk virðist ekki skilja hvernig peningar verða til, ekki detta þeir niðrúr trjánum. Mér finnst það heldur ekki spennandi jöfnuður ef markmiðið er að allir hafi það skítt. Hvernig var ástandið á íslandi þegar steingrímur joð sat í ríkisstjórn 1988-1991. Er fólk búið að gleyma þrengingum þjóðarbúsins, skattpíningu (þá var td. hinn alræmdi matarskattur settur á) og fleira af afrekum þeirrar ríkisstjórnar mætti upp telja sem engin getur verið stoltur af. Trúi því ekki að fólk vilji svona tíma aftur.