Frábær veitingastaður

Þó svo að hvudagshetjan sé daglaunamaður að þá hefur hann borðað á þessum frábæra veitingastað.  Stendur tvímælalaust undir þessum tveimur stjörnum. 

Noma talið 15. besta veitingahús heims

Hvað er málið með Jón Baldvin

Það er ekki hægt að fletta blöðum eða kveikja á sjónvarpinu án þess að það sé drottningaviðtal við hann.  þar skýtur hann í allar áttir og hefur svör við öllu.  Hringir hann í alla þessa fjölmiðla og býðst til þess að láta taka viðtal við sig eða fá allir þessir fjölmiðlar sömu hugmyndina á sama tíma. 

Atvinnustefna VG

 Björn Ingi sem er ein vonarstjarna Framsóknarmanna er með skemmtilegt blogg.  Um helgina var hann með skemmtilega færslu um atvinnustefnu VG, segir allt sem segja þarf.  Birti þennan pistil en slóðin á færsluna hjá Binga er þessi  http://bingi.blog.is/blog/bingi/entry/184425/

 

Við erum stödd í Stykkishólmi. Persónur eru frambjóðendur til Alþingis í Norðvesturkjördæmi auk spyrla Stöðvar 2. Umræðuefnið er atvinnumál og aðalleikararnir í þessu atriði eru þau Sigmundur Ernir Rúnarsson, fréttastjóri Stöðvar 2, fréttakonan Svanhildur Hólm Valsdóttir, Jón Bjarnason, þingmaður og oddviti VG og Magnús Stefánsson, félagsmálaráðherra og oddviti Framsóknarflokksins.

Sigmundur:    Jón Bjarnason, Vestfirðir voru kallaðir stóriðjulausa landssvæðið og umhverfisverndarsinnar voru mjög hrifnir af því, buðust til að koma með fullt af hugmyndum í staðinn til að spýta inn krafti í þetta sveitarfélag. Hingað til hafa hugmyndirnar verið núll. Hvar eru þessar hugmyndir?

Jón:      Sko, nú sitjum við uppi með þessari ríkisstjórn og ég held að, ég er nú nýkominn af Vestfjörðum og ég held að Vestfirðingar þeir vilji nú segja stopp á þessa ríkisstjórn og losa sig við hana.

Sigmundur:      Hvar eru þessar hugmyndir?

Jón:      Þær eru til, náttúra Vestfjarða er til áfram en við sitjum uppi með ríkisstjórn.

Sigmundur:      Er það stóra innspýtingin?

Jón:      Við sitjum uppi með ríkisstjórn...

Svanhildur:       En hvernig skapar ..... störf?

Jón:      ... sem rekur atvinnustefnu sem er Vestfirðingum mjög óhagstæð, vegakerfi...

Sigmundur:      Jón, hvar eru hugmyndirnar?

Jón:      ... flutningskostnaðurinn...

Magnús?         Hvað myndir þú gera Jón?

Jón:      Ég nefni loforð Framsóknarmanna um lækkun flutningskostnaðar...

Sigmundur:      Hvar eru hugmyndirnar?

Jón:      Það verður að jafna samkeppnisstöðu Vestfjarða eins og annarra byggðarlaga og það hefur þessi ríkisstjórn ekki gert. Ég..

Svanhildur:       Nei, en hvernig myndir þú vilja gera það Jón?

Jón:      ..ég myndi vilja stórauka vegaframkvæmdir á Vestfjörðum. Ég myndi vilja jafna flutningskostnaðinn. Ég myndi vilja taka upp...

Sigmundur:      Hvar eru atvinnutækifærin í héraðinu?

Jón:      ...strandsiglingar. Einmitt, þegar þú hefur jafna samkeppnisstöðu fyrirtækjanna, atvinnulífsins, búsetunnar, fólksins þá byggist atvinnan upp. En núna, aðgerðir þessarar ríkisstjórnar hafa í rauninni barið niður samkeppnisstöðu þessarar byggðar og þess vegna...

Magnús?:        Þetta er blanko atvinnustefna.

Jón:      ... er einmitt fólksfækkun um 20% á hvað, um 10 árum. Ekki getur það verið eitthvað til að hæla sér af. Þannig að það er þessi stefna þessarar ríkisstjórnar sem er Vestfirðingum, Norðvesturkjördæminu mjög andstætt og skapar þessa miklu andstæður sem eru í kjördæminu.

Sigmundur:      En örstutt bara, af hverju hefur engin hugmynd komið frá umhverfissinnum sem svar við því að Vestfirðir skuli vera stóriðju.....

Jón:      Hún hefur komið. Meðal annars líka frá Fjórðungssambandi Vestfjarða sem hefur lýst þessu yfir sem stefnu sinni og ber að vinna að því en áherslur ríkisstjórnarinnar eru aðrar. Við tökum Látrabjarg, við tökum friðlandið í Hornströndum, við skulum taka veiðar, stangveiðar eða veiðar á fiski meðfram ströndum Vestfjarða sem er núna vaxandi atvinnugrein.

Sigmundur:      Eru þetta störf fyrir hundruð manna?

Jón:      Það munar um hvert starf sem kemur.

Stefnir í stórsigur hjá Árna Johnsen

Þetta eru ótrúlegur tölur og stefnir í stórsigur hjá Árna og félögum bæta við sig tveimur mönnum á kostnað Samfylkingarinar.  Varla hefur innkoma Árna Johnsen og Árna Matt. svona mikil áhrif?

Sjálfstæðisflokkur bætir við sig tveimur þingmönnum í Suðurkjördæmi

Refahæðir nálgast

Nú er innan við vika þangað til Hvundagshetjan fer í sína árlegu golfferð.  Að þessu sinni er ferðinni heitið til Englans, nánartiltekið Foxhills sem er í 20 mín fjarlægð frá Heathrow.  Með í för verða 9 vinnufélagar úr Landsbankanum.

Því miður hefur veðurfarið á Íslandi truflað undirbúninginn því ekki hefur verið hægt að spila golf fyrir ferðina.  Þess vegna er maður óviss með hvar maður stendur því það er tvennt ólík að slá af jafnsléttri mottu í Básum og spila á alvöru velli.

Hinsvegar er ljóst að þetta verður frábær ferð í skemmtilegum félagskapi, búið er að setja upp keppnir nánast alla daganna og ber þar hæst Ungir vs. Gamlir á sunnudaginn.  Andrúmslofið er orðið rafmagnað og næsta víst að við gamlingjarnir (segðu orðinn 33 ára) ætlum að taka þetta.

Allir eru að gera það gott....

Er ekki við hæfi að setja inn enn eitt góðærisblogg,  þetta er ótrúlega jákvæð niðurstaða og góð fyrir ríkisstjórnina. A.m.k. 58% þjóðarinar hlýtur þá að kjósa núverandi stjórnarflokka, við getum síðan bætt við stóran hluta hinna sem muna eftir síðustu vinstristjórn þar sem kaupmáttur drógst saman.  Sjálfstæðisflokkurinn hefur sagt það forgangsatriði að bæta hag aldraðra en þeir eru áberandi hluti þeirra sem telur að hagur sinn hafi versnað.

Annars set ég ákveðið spurningamerki við svona kannanir, þær eru svipaðar og kannanir um hvort maðurinn sé ánægður með launin sín, auðvitað vill maður alltaf hærri laun.  Þannig er mjög líklegt að margir þeir sem telja að afkoma sín hafi versnað miðisig við aðra, þ.e. að fjárhagsleg afkoma þeirra hefur batnað bara ekki jafn mikið og annarra?

 Hver talar svo um hagstjórnarmistök?

Meirihluti segir afkomu sína hafa batnað

Vígstaðan er að breytast, við erum komnir innfyrir.

Þetta er bara snilld.   Auðvitað eru sjálfsögð mannréttindi að fá að fagna glæstum sigrum.  Ég man þegar ég bjó í Frostaskjólina að þá var Valsari sem bjó í sama botnlanga og við.  Þegar Valur vann titla að þá flaggaði hann alltaf í sameiginlegri flaggstöng.  Eina skiptið sem gerðar voru athugasemdir var þegar Valur vann KR í bikarnum eftir framlengingu og vítaspyrnukeppni. 

Fjölmiðlamenn sendir á vettvang vegna KR-fána á Akranesi

Loksins loksins

Loksins kemur fram hópur sem er tilbúinn til þess að koma JFM til æðstu metorða.  Hélt á tímabili að þetta myndi ekki takast hjá honum.  En eins og Guðjón Þórðarson sagði forðum: "Þolinmæði er dyggð" og það hefur greinilega borgar sig.  

Síðan er þetta flott mynd af honum.  Greinilega útpæld pósa.

Jakob Frímann í 1. sæti á lista Íslandshreyfingar í Suðvesturkjördæmi

Nýr X-factor

Þetta gæti verið góð hugmynd fyrir Stöð 2.  Föstudagskvöld í staðinn fyrir X-factor.  Ég sé þetta alveg fyrir mér, fá gamlar celeb stjörnur eins og Fjölnir Þorgeirs, Þorgeir Ástvalds, Helga Möller, Rósa Ingólfs, Arnar Diego, Jón Gústafsson og Ósk Norðfjörð. Einhverjar fleiri hugmyndir um þátttakendur?

Þetta gæti orðið tilfinningaklám af bestu sort.

Vilja Viktoríu í Stjörnudansinn

Boston Legal

Er Boston Legal besti sjónvarpsþáttur í sólkerfinu? Já ég held að það geti allir sama hvaða flokk þeir kjósa verið sammála um það.  Ólíkt öllum öðrum sjónvarpsþáttum virðast þeir bara verða betri eftir því sem þetta verður vitlausara.

Eitt sem ég hef samt verið að velta fyrir mér.  Á lögfræðistofunni vinnur fjöldi fólks á öllum aldri en svo virðist sem enginn sé giftur, allir starfsmenn eru lausir og liðugir.  Tilviljun?